Huyu ndiye Msichana mdogo alietangazwa chifu Nigeria

Msichana mmoja mwenye umri wa miaka 25 ametangazwa kuwa chifu wa mji Argungu wa kazkazini magharibi mwa Nigeria, ikiwa ni mara ya kwanza wanamke kushika wadha huo.

Hindatu Umar pia anakuwa chifu mwenye umri mdogo zaidi kuwahi kuwa chifu wa mji huo katika jimbo la Kebbi lenye wakaazi wengi waislamu.

Baadhi ya wakaazi wa eneo hilo wamelalamika wakidai hana ujuzi wa kutosha na si mkakamavu.

Lakini ukweli ni kwamba amekuwa akihudumu kama naibu wa chifu kwa mda sasa ndiposa akapandishwa cheo baada ya mda wa aliyekuwa chifu kumalizika.

Mwandishi wa BBC katika eneo hilo anasema wengi wameshangazwa na hatua hiyo kwa sababu ni nadra kwa wanawake kushika nyadhfa za kiutawala na kisiasa katika maeneo yaliyo na waakaazi wengi waislamu huko kazkazini mwa Nigeria.

Read More

FOADI YA SIMBA NA KASI YA 4G

    WEKUNDU wa Msimbazi Simba wametoa zawadi ya Eid kwa mashabiki wao baada ya kuigaragaza Mtibwa Sugar kwa  mabao 2-0 katika muendelezo wa ligi ya Vodacom mtanange uliochezwa kwenye uwanja wa Uhuru jijini Dar es Salaam.
Simba iliuanza mchezo huo kwa kasi ya ajabu iliofananishwa na spidi ya Internet ya 4G kitendo kilicho pelekea foadi ya timu hiyo kupewa jina la *KIAMA* yaani KICHUYA, AJIBU na MAVUGO ambapo dakika ya tatu walifanya jaribio la kufunga lakini mipango yao ilikwama baada ya safu ya ulinzi ya Mtibwa kuwa makini.
Wekundu hao walitawala karibia dakika zote 45 za kipindi cha kwanza lakini 'Wakata miwa' walitibua mipango yote na kutoruhusu nyavu zao kuguswa kipindi cha kwanza.
Winga Haruna Chanongo almanusura aiandikie Mtibwa bao la kuongoza dakika ya 39 lakini shuti lake lilipanguliwa na mlinda mlango Vicent Agban na kuwa kona ambayo haikuzaa matunda.
Ibrahim Ajib aliipatia Simba goli la kuongoza kwa kichwa dakika ya 52 baada ya kumalizia mpira wa kona uliopigwa na Shiza Kichuya kufuatia mabeki wa Mtibwa kushindwa kuokoa hatari hiyo.
Laudit Mavugo alifunga goli la pili dakika ya 67 baada ya Mwinyi Kazimoto kuambaa na mpira toka katikati ya uwanja kabla ya kumpasia mshambuliaji huyo raia wa Burundi kipenzi cha mashabiki wa Simba.
Simba iliwatoa Kichuya, Kazimoto na Ajib na kuwaingiza Fredrick Blagnon, Said Ndemla pamoja na Jamal Mnyate huku Mtibwa ikiwapumzisha Stamili Mbonde, Kelvin Idd na Ibrahim Juma na kuwaingiza Saidi Mkopi, Mohamed Juma na Hussein Javu.Hata hivyo mabadiliko hayo hayakuleta madhara.

Read More

Wanasayansi wa NASA wadai Zaidi ya tani 7,000 za takataka zinazunguka dunia katika anga ya juu

Wanasayansi wa NASA wamekadiria kuwa takataka zaidi ya laki 5 zenye uzito wa zaidi ya tani 7,000 zinazunguka dunia yetu katika anga ya juu kwa mwendo kasi wa kilomita 10 kwa sekunde. Mwendo kasi huo ni mkubwa kuliko risasi, hivyo satilaiti na vyombo vingine vya anga hata vikigongwa na takataka yenye ukubwa wa hata kama mchanga tu, vitakumbwa na ajali.
Takataka za anga ya juu ni pamoja na mabaki ya roketi, vyombo vya anga visivyotumiwa tena, na vyombo vya anga vilivyovunjika, si kama tu ni tishio kwa vyombo vya anga vinavyotumiwa, bali pia huenda vitatishia usalama wa viumbe duniani.
Mwaka 2009 satilaiti za Marekani na Russia ziligongana, na kusababisha takataka 2000 kubwa na takataka nyingine nyingi ndogondogo kubaki katika anga ya juu.

Kampuni ya Rand ya Marekani iliwahi kutoa ripoti kuhusu suala hili, ikisema ingawa pande mbalimbali zimetambua hatari ya takataka hizi, lakini inaonekana kwamba hazitatenga fedha na kutafuta utatuzi wa makini hadi ajali kubwa itokee.
NASA imeunga mkono baadhi ya miradi midogo ya utafiti wa takataka za anga ya juu, lakini bado haijachukua hatua yoyote ya kutatua kihalisi tatizo hili. Mchambuzi mmoja wa mambo ya safari ya anga ya juu na ulinzi alisema hakuna idara maalum inayoshughulikia suala hili, kwani hili ni gumu sana

Read More