Timu ya Simba Ijipange upya Ligi kuu

Baada ya timu ya samba kushindwa kuonyesha makali yake katika mashindano ya Mapinduzi Cup baadhi ya mashabiki wa timu hiyo wameanza kukata tamaa. Timu hiyo imeyaaga mashindano hayo ikiwa na point nne na magoli manne huku ikiwa imepoteza michezo miwili, sare mmoja na huku  ikishinda mchezo mmoja. Mpaka sasa timu hiyo inanjia moja ya kushiriki mashindano ya Shirikisho barani Afrika na hii ni baada ya kuvuliwa ubingwa na Green worriors . Simba ili ishiriki mashindano hayo inabidi ichukue ubingwa wa ligi kuu.

Baada yaa Simba kuyaaga mashindano ya mapinduzi kumekuwa na maneno mengi kutoka kwa baadhi ya watu juu ya ubora wa kikosi hicho tofauti na walivyo tarajia maneno ambayo kama wachezaji na viongozi wa timu watayasikiliza huwenda ikawa mwanzo wa timu hiyo kupotea njia na kushindwa kutwaa ubingwa wa ligi kuu. Chamsingi nguvu na mipango kwa sasa iyelekezwe kwenye ligi kuu huku wakitumia muda huu mchache kurekebisha kasoro zilizo jitokeza kipindi cha mashindano ya mapinduzi na badala yake wasipoteze muda huu kutafuta mchawi ni nani kwani kwa kifupi timu ilicheza mpira mzuri sana katika mashindano ya mapinduzi tatizo lipo kwenye umaliziaji  hivyo wampe muda Masudi juma ili aweze kukisuka kikosi hicho.