Yanga yavamia Msitu na kuchana mbao

Mchezo kati ya Yanga na Mbao FC umekwisha jioni hii, huku Yanga ikitoka uwanja wa uhuru kifua mbele kwa kuibugiza Mbao FC kwa mabao 3-0. Magoli yakifungwa na (Bossou 48, OG 55 na Tambwe 75).Mchezo huo uliokuwa wa vuta ni kuvute mpaka kipindi cha kwanza kinamalizika hakuna timu ilio weza kuliona lango la mwenzake. Kipindi cha pili kilianza kwa kasi kwa timuzote mbili huku mbao wao walionekana kujihami zaidi baada ya kuona washambuliaji wa Yanga wakiliandama lango lao bila ya huruma kwa sasa yanga wamesha jinyakulia point 27 wakiwa nafasi ya pili kwa tofauti ya point 5 na kinara wa ligi hiyo timu ya Simba ambao wao wana point 32 mechi zijazo Simba wao watakua ugenini mkoani Shinyanga kuvaana na Stendi united siku ya Juma tano ya tarehe 02/11/2016 huku Yanga wao watakua Mkoani mbeya kumenyana na Mbeya city

Read More

Basi pamoja na lori yote yateketea kwa moto

Basi la kampuni ya Safari Njema lililokuwa likitokea mkoani Dodoma limegonga na Lori, yote mawili yameteketea kwa moto.

Read More

Ukuta uliowashinda Yanga na Azam kuupanda Je Simba itauweza kuupanda?

          Baada ya timu ya Simba kuichapa Mwadui FC kwa jumla ya magoli 3_0 katika muendelezo wa ligi kuu Tanzania bara alimaarufu kwa jina la Vodacom sasa wekundu hao wa Msimbazi watakutana na timu kisiki ya Stendi United  alimaarufu chama la wana siku ya juma tano ya tarehe 02/10/2016 huko Mkoani Shinyanga timu hiyo ambayo katika rekodi yake ya ligi hiyo tayari imesha zirarua timu mbili vigogo vya ligi kuu Yanga na Azam katika uwanja wake wa nyumbani.

       Macho na masikio ya mashabiki wa soka nchini yanasubi mtanange huo kwa hamu zaidi hasa ukizingatia timu ya Simba bado haijapoteza mchezo wowote kati ya michezo 12 iliochuka dimbani haliyakuwa Stendi nayo inataka kujiwekea rekodi ya kuziazibu timu kongwe ktk uwanja wake wa nyumbani. Mchezo huo unaonekana kuwa wa presha zaidi hasa kwa mashabiki wa timu zote huku mashabiki wa Yanga na wale wa Azam wakiomba Simba kupoteza mchezo huo ili kuwe na tofauti ndogo ya point kwani mpaka sasa Simba ndio wanaongoza ligi kwa kujikusanyia point 32 baada ya kushuka dimbani mara 12 wakifuatiwa na mahasimu wao Yanga wenye point 24 huku wakiwa wameshika dimbani Mara 11.

      Yanga wanatarajia kushuka dimbani leo tarehe 30/10/2016 kucheza mchezo wake wa 12 katika uwanja wa Uhuru wakiwakaribisha Mbao Fc timu ambayo imeonekana kuwa na upinzani wahali ya juu pindi inapo kumbana na timu kongwe za Simba na Yanga ktk mechi ya Simba na Mbao Simba iliibuka na ushindi wa goli moja kwa bila goli lililofungwa dakika za lala salama na Mzamiru yassini. Musoma24hrs inazitakia kila la heri timu zote zitakazo shuka dimbani siku ya leo tarehe 30/10/2016 na kwakua soka ni mchezo wa amani hivyo timu zote zicheze kwa nidhamu alikadhalika waamuzi nao kuchezesha mechi hizo kwa kufuata sheria za soka.

Read More

Yanga bila Hans Pluijm yairarua JKT Ruvu

Aliyekuwa Kocha wa Yanga Mholanzi Hans Pluijm leo alikuwepo uwanjani akishudia mabingwa hao wakiwasambaratisha Maafande wa JKT Ruvu mabao 4-0 katika mechi ya kiporo ya ligi kuu ya Vodacom iliyofanyika kwenye Uwanja wa Uhuru.Pluijm alijiuzulu juzi Jumatatu kuwafundisha mabingwa hao na kumwacha msaidizi wake Juma Mwambusi mpaka atakapopatikana Kocha mpya kwa mujibu wa Uongozi wa Yanga huku akishangilia muda wote wachezaji wa Yanga walipokuwa wakifanya vizuri hali iliyoashiria kuwa bado ana mapenzi na timu hiyo.

Mchezo huo ulihudhuriwa na mashabiki wachache kulinganisha na mechi zilizopita hali inayotafsiriwa huenda kitendo cha Kocha Hans kujiuzulu hakikuwafurahisha wapenzi na mashabiki wa klabu hiyo.Obrey Chirwa alipatia Yanga bao la uongozi dakika ya sita baada ya kupokea krosi ya Simon Msuva iliyoonekana kama haina madhara ambapo mabeki wa Maafande hao waliuacha mpira kabla ya kumkuta Mzimbabwe huyo akiwa na golikipa Saidi Kipao.Amissi Tambwe aliyetokea benchi aliongezea yanga bao la pili dakika ya  63 baada ya kuichambua safu ya ulinzi ya Ruvu kabla ya Msuva kufunga la tatu zikiwa zimesalia dakika sita mtanange huo umalizike.kwa sasa yanga wamefikisha point 24 wakiwa wanashikilia nafasi ya pili huku nafasi ya kwanza ikiwa bado inakaliwa na timu ya Simba yenye point 29 timu hizo kwa sasa zimeshashuka dimbani mara 11 mechi zijazo Yanga watawakaribisha Mbao fc ktk uwanja wa Uhuru na Simba wao watakua ugenini Mkoani Shinyanga kukipiga na Mwadui fc

Read More

Baraza la Michezo nchini (BMT) lasitisha mabadiliko Simba na Yanga

          Baraza la Michezo nchini (BMT) limeagiza vilabu vyote vinavyoendelea na mchakato wa kubadilisha umiliki wa timu kutoka kwa wanachama kwenda kwenye umiliki wa hisa na ukodishwaji kusitisha hadi hapo marekebisho ya katiba zao yatakapofanyika.Katibu Mkuu wa BMT Mohamed Kiganja amesema, wahusika wanatakiwa kufuata sheria zilizopo katika mabadiliko wanayotaka kuyafanya na pia mchakato huo unaendelea kutengeneza makundi ya wapenzi na wanachama ambao wanajikita katika mijadala na kuzidi kuibomoa jamii badala ya kuijenga na kuimarisha michezo nchini.

        Kiganja amesema, wanapenda kuona wahusika wanafuata sheria na taratibu za nchi katika kufikia malengo yao na kuendelea na mchakato huo kabla ya taratibu za kurekebisha katiba zao kisheria ni kosa na hatua stahiki zitachukuliwa  Kiganja amesema, mpasuko huo pia umepelekea baadhi ya wanachama wanaoona hawaridhishwi na mwenendo mzima na pengine hata taratibu za suluhu zilizopo kuzikiuka na kuziona hazifai na kuamua kukimbilia mahakamani.Kiganja amesema, athari za kupeleka jambo hili mahakamani ni kubwa kwa vilabu na TFF kwa ujumla wake na kutokana na hali ilivyo BMT kama chombo pekee cha kisheria kilichopewa dhamana ya kusimamia michezo nchini hakiwezi kuvumilia ukiukwaji wa sheria unaoendelea ambao unaashiria kutoweka kwa amani katika tasnia ya michezo nchini.Amesema kuwa Baraza hilo limezingatia sheria yake na kanuni za msajiri namba 441, kanuni ya 11 kifungu kidogo cha (1-9) na kwamba atakayekiuka agizo hilo sheria itachukua mkondo wake.

Read More

Wenger asema anaimani ya kushinda ligi ya Uingereza msimu huu.

      Mkufunzi wa Arsenal Arsene Wenger amesema kuwa ana fursa nzuri ya kushinda ligi ya Uingereza msimu huu kwa mara ya kwanza tangu washinde taji hilo bila kushindwa mwaka 2004.Akizungumza katika mkutano wa kila mwaka wa klabu hiyo,Wenger mwenye umri wa miaka 67,alisema kuwa mshindi wa taji la ligi kuu atakuwa na kati ya pointi 82 na 86 mwaka huu.Alisema: Hii leo tuko katika nafasi nzuri zaidi ya kuwania taji la ligi ya Uingereza ikilinganishwa na miaka mitano au sita iliopita.Ninaamini tuna timu nzuri katika ligi yenye ushindani mkubwa.Arsenal ni wa pili katika jedwali la ligi,ikiwa ni mojwapo ya timu tatu zenye pointi 20 na wako katika nafasi ya pili kutokana na tofauti ya mabao.Wenger anasema kuwa anafikiri kwamba anahitaji pointi 62 kutoka kwa mechi 29 zilizosalia kushinda taji .Leicester ndio mabingwa wa taji hilo msimu uliopita.Baada ya mechi 9 ,tuna pointi 20,ikimaanisha kwamba ubingwa huo utaamuliwa na kati ya pointi 82 na 86'',alisema

Read More

Simba yaweza cheza mechi mbili kwa wakati mmoja

     Timu ya Simba imeonekana kuwa bora zaidi hasa kutokana na kutokuwa na kikosi kimoja cha kwanza hii imejizihirisha katika mechi mbili ilizocheza ambazo ni ile ya mbao fc na ile ya toto tofauti na meshi ya za nyuma combination iliokuwa ikichezeshwa na iliozoeleka ni ile iliopachikwa jina la KIAMA yaani Kichuya, Ajibu na Mavugo ila mechi ya Toto dhidi ya Simba walianza na combination ambayo mashabiki wa timu hiyo tayari wameipachika jina la IBM yaani Ibrahim,  Blagnon pamoja na Mzamiru yasini huku Kichiya akipewa majukumu ya kuilisha Combination hiyo.

    Hata hivyo katika pambano hilo kati ya Simba na Toto ambapo simba iliibuka na ushindi wa goli tatu kwa bila Shiza Kichuya alitoka na nafasi yake kuchukuliwa na Hamisi ndemla mabadiliko ambayo yalizidi kuliweka lango la Toto katika wakati mgumu zaidi na kujizihirisha kuwa licha ya Combination ya KIAMA hata IBM nayo inamakali sawa na combination tulio izoea kwa jina la KIAMA hivyo laiti Sheria za Soka zingekuwa zinaruhusu basi Simba inayo uwezo wa kucheza mechi mbili kwa wakati mmoja na ikaibuka na ushindi mnono kwani makipa wapo wa uhakika alikadhalika viungo pamoja na mabeki.

Read More

Mwendo kasi wa basi la Simba waiduwaza Toto.

        Ligi Kuu soka Tanzania bara imeendelea tena leo Jumapili ya October 23 2016 kwa vinara wa Ligi kuu ya Vodacom Tanzania bara klabu ya Simba sc ikiwakaribisha Toto Africa kutoka jijini Mwanza mtanange huo uliopigwa katika uwanja wa Uhuru jijini Dar es Salaam mchezo huo ulio kuwa wa vuta nikuvute kwa timu zote mbili kushambuliana kwa zamu licha ya timu ya Simba kuonekana kulishambulia lango la Toto kwa kasi zaidi na dakika ya 35 blagnon alishindwa kumalizia mpira aliotengewa na Mohamedi Ibrahim  na  shuti lake kutoka nje ya uwanja, lango la toto lilikua bado lipo katika wakati mgumu  na dakika ya 43 Mzamiru Yassini aliiyandikia Simba bao la kwanza baada ya kupokea pasi nzuri toka kwa Blagnon na mpaka mapumziko Simba 1 toto 0 .

       Kipindi cha pili kilianza kwa kasi huku simba ikiendelea kuliandama lango la Toto na dakika ya 52 Mavugo aliiyandikia Simba bao la pili baada ya kupokea pasi toka kwa Mohamedi Ibrahim  Mambo yalizidi kuwa magumu kwa timu ya toto  na dakika ya 74  Mzamiru yassini tena alipachika mpira wavuni baada ya kona iliopigwa na Bukungu kuwababatiza mabeki wa toto  na  mpaka mwisho wa mchezo huo Simba 3 Toto sifuri Simba sasa imeshajikusanyia point 29 baada ya kucheza michezo 11 na mechi ijayo simba itakuwa  ugenini Mkoani Shinyanga kupambana na  Mwadui fc huku Toto wao wakiwakaribisha wakatamiwa wa  Mtibwa mechi hizo zitapigwa tarehe 29/10/2016.

Read More

Tetemeko la magoli laikumba timu ya Kagera Suger

        Timu ya YANGA imeanza rasmi mbio za kutetea ubingwa wa Ligi Kuu ya Vodacom Tanzania Bara – baada ya leo kuwatandika wenyeji Kagera Sugar mabao 6-2 katika mchezo uliofanyika Uwanja wa Kaitaba, Bukoba.Ushindi huo wa kwanza mkubwa zaidi msimu huu, unaifanya Yanga SC ifikishe pointi 21 baada ya kucheza mechi 10, ingawa inaendelea kukaa nafasi ya tatu nyuma ya Stand United yenye pointi 23 na Simba SC 26. Katika mchezo huo uliochezeshwa na refa Suleiman Kinugani aliyesaidiwa na Ferdinand Chacha na Nicholas Makalanga, hadi mapumziko Yanga walikuwa wanaongoza 3-1

.

         Na mabingwa hao watetezi, walilazimika kutoka nyuma baada ya Mbaraka Yussuf kutangulia kuifungia Kagera Sugar dakika ya tatu.
Mbaraka, kinda aliyebuliwa timu ya vijana ya Simba, maarufu Simba B alifunga bao hilo baada ya kumhadaa beki mzoefu, Kevin Yondan na kufumua shuti lililombabatiza beki mwingine wa kati wa Yanga, Andrew Vincent ‘Dante’ na kumpita kipa Deo Munishi ‘Dida’.
 

Wakati Kagera bado wapo katika furaha ya bao lao hilo, Mzimbabwe Donald Ngoma akaisawazishia Yanga baada ya shambulizi la haraka akimalizia kwa kichwa krosi ya Simon Msuva dakika ya nne.
Msuva akafunga mwenyewe dakika ya 21 kuipatia Yanga bao la pili baada ya kumalizia mpira uliotemwa na kipa Hussein Sharrif ‘Cassilas’ kufuatia shuti la kiungo Haruna Niyonzima.
Mzambia Obrey Chirwa akaifungia Yanga bao la tatu dakika ya 26 akimalizia mpira uliotemwa na Casillas tena baada ya shuti la Ngoma.
Kocha wa Kagera Sugar akampumzisha kipa Cassilas baada ya bao hilo na kumuingiza David Burhan na kipindi cha kwanza kikamalizika Yanga inaongoza 3-1.
Kipindi cha pili, Kagera wakaanza vizuri na kufanikiwa kupata bao la pili dakika ya 49, mfungaji yule yule Mbaraka Yussuf aliyetumia makosa ya mabeki wa Yanga.Hata hivyo, Yanga wakaamsha hasira zao na kufanikiwa kupata bao la nne lililofungwa na Deus Kaseke dakika ya 58 kwa shuti akimalizia krosi ya Msuva.Chirwa akaifungia Yanga bao la tano akimalizia mpira uliotemwa na kipa Burhan baada ya shuti la Ngoma.

 
        Donald Ngoma akakamilisha ushindi mnono wa Yanga leo kwa kufunga bao la sita dakika ya 64 baada ya kuambaa na mpira na kumchambua Burhan kufuatia pasi ya Haruna Niyonzima.Kikosi cha Kagera Sugar kilikuwa; Hussein Sharrif ‘Cassilas’/David Burhan dk31, Mwahita Gereza, Godfrey Taita/Babu Ally dk61, Juma Ramadhan, Erick Kyaruzi, George Kavilla, Suleiman Mangoma, Ally Nassoro, Danny Mrwanda, Mbaraka Yussuf na Japhet Makalai
Yanga SC; Deo Munishi 'Dida', Hassan Kessy/Mbuyu Twite dk53, Mwinyi Mngwali, Andrew Vincent 'Dante', Kevin Yondan, Thabani Kamusoko, Simon Msuva, Haruna Niyonzima, Donald Ngoma, Obrey Chirwa/Amissi Tambwe dk77 na Deus Kaseke/Matheo Anthony dk79.

Read More

Pendekezo la Uefa kuchezwa nje ya bara la Ulaya.

      Rais wa shirikisho la soka la Ulaya (Uefa) amesema bado anafuatilia pendekezo lake la kutaka fainali ya Kombe la Klabu Bingwa Ulaya ichezewe nje ya bara Ulaya.Aleksander Ceferin, kutoka Slovenia, amesema atafufua tena juhudi zake za kutaka miji iwe ikituma maombi ya kuwa mwenyeji wa fainali hizo.Amesema anaunga mkono fainali kuchezewa New York."Linaweza kuwa wazo tu lakini ni sharti tulizungumzie," amesema Ceferin, ambaye aliteuliwa kuwa mkuu wa Uefa mwezi jana.Fainali zote 61 zilizochezwa awali zilichezewa Ulaya, lakini Ceferin amesema haliwezi likawa tatizo kwa mashabiki wa soka kusafiri Marekani.Aliongeza: "Kusafiri kutoka Ureno hadi Azerbaijan kwa mfano ni karibu sawa au ni sawa na kwenda New York.

      Hii ni michuano ya Ulaya kwa hivyo hebu tulifikirie hili."Kunaweza kuwa na tatizo la nyakati hata hivyo, ikizingatiwa mabadiliko ya saa katika mabara mbalimbali.Mkuu huyo wa Uefa hata hivyo hana mipango ya kubadilisha wakati wa kuanza kwa fainali, ambayo kawaida huchezwa saa 19:45 BST (20:45 GM).Fainali zimekuwa zikichezwa Jumamosi tangu 2010."Ukiangalia kifedha, hilo haliwezi kufaa. Lakini lazima tufikirie kuhusu masoko mengine pia. China inavutia kama soko, na Marekani pia. Soka inaanza kupata umaarufu huko pia," anasema.

Chanzo BBC Swahili

Read More

ITC ya Nducha yatua TFF sasa kuanza kuitumikia Simba

     Simba sc imefanikiwa kukamilisha uhamisho wa mshambuliaji wa kimataifa wa Congo, Mussa Ndusha

Sifa zimuendee TMS Manager wetu Ndugu Collins Firsch na sekretarieti nzima ya Simba kwa kazi nzuri ya kufanikisha hili Akiongea na Simba damu fans Makamu Mwenyekiti wa SImba Godfrey Nyange kaburu amethibitisha kupatikana kwa ITC (Hati ya Uhamisho wa Kimataifa) ya Mussa Ndusha na tayari imepokelewa na shirikisho la soka nchini (TFF) 

      Tangu kiungo huyo raia wa kongo asajiliwe na timu ya Simba hajawahi cheza hata michi moja ya ligi kuu Tanzania bara na badala yake ali ichezea Simba SC mechi mbili za kirafiki ikishinda 4-0 dhidi ya AFC Leopard na katika sare ya 1-1 na URA ya Uganda, zote Uwanja wa Taifa, Dar es Salaam. Uongozi wa Simba ulikabidhi suala hilo la ufuatiliaji wa ITC ya mchezaji huyo kwa meneja wa klabu ambaye alikua anafuatilia maswala ya usajili huo wa FIFA kwanjia ya TMS.Ushindani wa namba sasa ni mkubwa katika nafasi ya kiungo

      

      

Read More

Mashabiki wa Simba waibatiza forward ilio iuwa Mbao FC jina la I.B.M

  

        Baada ya timu ya Simba kuifunga timu ya Mbao fc toka jijini Mwanza kwa bao moja kwa bila jana tarehe 20/10/2016 katika ligi kuu ya Vodacom Tanzania bara mechi iliyochezwa katika uwanja wa uhuru jijini Dar es salaam. Mashabiki wa Simba wameibuka tena na kuibatiza forwad ilio waliza Mbao fc kwa jina la I. B.M yaani IBRAHIM, BLAGNON na MZAMIRU, huku wakidai kuwa Combination ya KIAMA bado ipo palepale kinacho fanyika kwa sasa katika timu yao ni bandika bandua kwani kila ugonjwa unatiba yake.

     Katika ratiba ya ligi kuu ya Vodacom Mchezo ujao wa Simba utakuwa dhidi ya Toto African ya Mwanza mchezo utakaopigwa kwenye uwanja wa Uhuru wakati Mbao wao watakuwa uwanja wa Sokoine kukabiliana na Tanzania Prisons.

Read More

Wanasayansi wa Ulaya wahaha kutafuta chombo kilicho tumwa kufanya utafiti Sayari ya Mars

Wanasayansi wa Ulaya wahaha kutafuta chombo kilicho umwa kufanya utafiti Sayari ya Mars

 Wasiwasi umezidi kuhusu hatia ya chombo cha anga za juu cha mataifa ya Ulaya ambacho kilikuwa safarini kwenda sayari ya Mars, na ambacho kilitarajiwa kutua kwenye sayari hiyo Jumatano.Hii ni baada ya mawasiliano na chombo hicho kukatika.Wataalamu wanasema mawasiliano na roboti iliyo kwenye chombo hicho cha Schiaparelli yalikatika chini ya dakika moja kabla ya wakati ambao chombo hicho kilitarajiwa kutua katika sayari hiyo.Setilaiti zinazoizunguka sayari ya Mars zimejaribu kufanya uchunguzi kubaini hatima ya chombo hicho kilichojaribu kutua, bila mafanikio.Chombo hicho kilikuwa na muda wa chini ya dakika sita kupunguza kasi yake ya kilomita 21,000 kwa saa kiasi cha kukiwezesha kutua salama kwenye sayari hiyo.Moja ya setilaiti za Marekani zilijaribu kuwasiliana na Schiaparelli lakini hakuna majibu yaliyopatikana.Kuna wasiwasi kwamba roboti hiyo ilianguka vibaya kwenye sayari hiyo na kuharibika.

          Shirika la Anga za Juu la Ulaya hata hivyo bado linasema ni mapema sana na linaendelea kuwa na matumaini.Wahandisi na wataalamu wengine watajaribu kufanya uchunguzi, sana kwenye mifumo yao ya kompyuta, kubaini ni kwa nini mawasiliano yalikatika na kisha wajaribu kuyarejesha.Shughuli hii yote inaweza kuchukua siku kadha.Baadhi ya maelezo muhimu yatatoka kwa chombo mama kilichokuwa kimebeba chombo cha Schiaparelli, ambacho kwa Kiingereza kinaitwa Trace Gas Orbiter (TGO).Chombo cha Schiaparelli kilichokuwa kinaenda kutua, chombo cha TGO kilikuwa kinajiweka sawa katika anga ya Mars. Lakini bado kulikuwa na mawasiliano kati yake na Schiaparelli.Mawasiliano hayo yanaweza kutoa maelezo muhimu kuhusu yaliyojiri chombo hicho kilipojaribu kutua.Wataalamu wa ESA wakishirikiana na wale waliounda Schiaparelli walitathmini data usiku kucha.

         Mkuu wa wataalamu waliosimamia mradi huo Paolo Ferri aliambia wanahabari Darmstadt, Ujerumani kwamba: "Watu watakesha wakitathmini data. Nina imani maelezo haya yatatueleza ni nini kilikwama wakati wa kutua na kukatiza mawasiliano. Tutafahamu vyema kesho iwapo chombo hicho kimetoweka kabisa au kama kuna juhudi tunaweza kufanya kufufua mawasiliano."Jaribio la awali la ESA kupeleka chombo katika sayari hiyo lilifanyika mwaka 2003, kwa kutumia chombo cha Uingereza cha Beagle-2.Chombo hicho kilifanikiwa kutua salama lakini kikashindwa kufungua mitambo yake  vyema na hivyo mawasiliano yakakatika

Read More

Simba na kasi ya 4G kileleni

Mzamiru yassini awaliza mbao fc

      Ligi kuu ya Vodacom Tanzania bara imeendelea Alhamisi ya leo kwa mtanange mmoja kupigwa katika uwanja wa Uhuru, Katika mchezo huo wenyeji Simba sc waliwakaribisha vijana wa Mbao fc toka jijini Mwanza mchezo huo uliokuwa  mkali na wakusisimua kwa timu zote kuonyesha kandanda safi na kushambuliana kwazamu licha ya timu ya Simba kuonekana kuutawala mchezo huo na mpaka kipindi cha kwanza kinamalizika hakuna timu ilioweza kuliona lango la mwenzake.

      Kipindi cha pili kilianza kwa kasi huku timu zote zikifanya mabadiliko ili kujiimarisha zaidi,Simba waliendelea kuliandama lango la Mbao FC kwa nyakati tofauti kitendo kilicho wafanya wachezaji wa mbao kujihami zaidi na dakika ya 75 simba ilifanya shambulio la kushtukiza na kama siojitihada za mlindamlango Blagnon angeweza kuiyandikia timu yake bao la kuongoza , Mambo yalizidi kuwa magumu kwa timu ya mbao fc na dakika ya 86 Simba waliweza kupata goli kupitia kwa Mzamiru Yassini goli lililodumu mpaka mwisho wa mchezo huo  na kwa sasa timu ya simba imejikusanyia poin 26 baada ya kucheza michezo 10 na kubaki kileleni mwa msimamo wa ligi.

Read More

Shiza kichuya amuomba radhi Baba yake

Winga machachari wa Simba  Shiza kichuya ameibuka na kumuomba radhi babayake mzazi baada ya kuisawazishia timu yake ya simba bao pekee katika dakika za lala salama siku ya tarehe 01/10/2016

na timu ya Yanga katika uwanja wa taifa jijini Dar es Salaam Akihojiwa na Televisheni ya ITV katika kipindi cha michezo Shiza amesema imempasa kutumia muda huu kumuomba radhi baba yake mzazi kutokana kuwa na mapenzi makubwa na timu ya Yanga hivyo kitendo cha yeye kuisawazishia timu yake goli anajua kilimkera sana Babayake mzazi,

  Kichuya ndiye aliye isawazishia timu ya simba goli dakika tatu kabla ya mpira kumalizika goli lililopatikana kwanjia ya kona iliyo tinga mojakwa moja nyavuni baada ya kupigwa na mchezaji huyo katika mahojiano na mwandishi wa habari kichuya alidai kuwa hakuna kitu kilichokuwa kikimuuma hasa baada ya kujikuta wapo pungufu kimchezo siku hiyo na tayari walikuwa wameshafungwa goli moja na dakika nazo ndio zilikua zinayoyoma na kila akiwatazama viongozi wake pamoja na mashabiki wa Simba alibaini kuwa hawana furaha,Kitendo hicho kilimfanya acheze mpira kwa kujituma kuhakikicha timu yake haipotezi mchezo huo na mara baada ya timu yake kupata kona katika dakika za lala salama alijitolea kupiga kona hiyo huku akiomba mungu lengo lake litimie na alimshukuru mungu sana baada ya kuisawazishia timu yake goli hilo kwani katika malengo yake ya soka kichuya alidai kuwa alikua na ndoto ya kuichezea timu ya Simba.

Read More

Mo kumaliza tatizo la nyasi bandia Uwanja wa Simba

        BILIONEA Mohamed Dewji 'Mo' amezidi kufanya mambo kimya kimya ndani ya klabu ya Simba na sasa amewaahidi kuwasaidia kulipa Sh 80 milioni ili waweze kutoa nyasi zao zilizozuiwa bandarini, pesa hiyo ni kwa ajili ya malipo ya kodi ya nyasi hizo zilizotoka China.Uongozi wa Simba umeshindwa kupata fedha hizo na kutoa nyasi ingawa walijaribu kufanya jitihada za kuandika barua serikalini ya kuomba punguzo la kodi hiyo lakini wamegonga mwamba kwani serikali ya Rais John Magufuli ipo makini kwenye suala zima la ulipaji kodi.Simba tayari wameanza ujenzi wa uwanja wao uliopo Bunju na kinachosubiriwa ni kuwekwa nyasi hizo ambapo tayari fundi atakayetandika mkeka huo amepatikana kutoka China hivyo nyasi zitakapotolewa tu naye atatua nchini.

       Mipango ya viongozi wa Simba ni kuanza kuutumia uwanja huo kwa ajili ya mazoezi kati ya Desemba au Januari huku taratibu nyingine zikiendelea ambazo zimepangwa kuwepo kwenye eneo lao hilo lenye hekari 19.Alipoulizwa Makamu wa Rais wa Simba, Geofrey Nyange Kaburu alisema kuwa; "Kuna taratibu zinafanywa kwa ajili ya kutoa nyasi zetu bandarini japokuwa Mo ametuahidi kutusaidia, nadhani hili litatatuliwa mapema tu.

Read More

Mabadiliko ya tabia ya nchi yatishia wavuvi Ziwa Victoria?

           Maisha ya mamia ya maelfu ya wavuvi katika Ziwa Victoria yapo hatarini kutokana na dhoruba kubwa zinazotarajiwa kutokana na mabadiliko ya tabia nchi, watafiti kutoka Chuo Kikuu cha Luven cha Ubelgiji wameonya.Takribani watu laki mbili wanategemea ziwa hili kujipatia kipacho chao kama wavuvi au kwa njia nyinginezo.Ingawa wavuvi wanafahamu fika hatari zinazowakabili wanapokuwa ziwani, hawana njia nyingine mbadala ya uhakika ya kujipatia kipato

            Lakini maelfu ya wavuvi hupoteza maisha yao kila mwaka katika Ziwa Victoria hasa kutokana na mitumbwi na zana nyingine za uvuvi kuwa duniShirika la Msalaba Mwekundu linakadiria kwamba karibu wavuvi elfu 5 wanapoteza maisha yao kila mwaka katika dhoruba mbaya katika ziwa ViktoriaWambura Marwa (pichani hapa juu) na wenzake walipaswa kuwa ziwani wakivua siku hii picha hii ilipopigwa, lakini walishindwa kwa sababu, usiku wa kuamkia siku hii walipigwa na dhoruba, mtumbwi wao ukapasuka - waliponea chupuchupu.ulikuwa tumemamiliza siku tatu tukiwa tunavua ziwani, siku ya nne sasa tulipokuwa tunarudi nchi kavu, tulipigwa na dhoruba kubwa sana hadi mtumbwi wetu ukapasuka. Ikabidi tuchukue nguo zetu hizi ndio tukaanza kuuziba mtumbwi mahali ulipopasuka kwa kutumia kisu," anasema Marwa."Baada ya kuuziba tukaanza kupiga makasia haraka kurudi nchi kavu na kwa bahati nzuri tulifika kwenye mwaloni salama.

            Wanasayansi kutoka taasisi ya anga ya Marekani, NASA, na chuo kikuu kimoja nchini Ubelgiji, wanaonya kwamba ikiwa hali ya uchafuzi wa hali ya hewa haitadhibitiwa na mabadiliko ya tabia nchi yataendelea, basi mvua katika ziwa zitakuwa nyingi na kubwa maradufu ya zile zinazonyesha nchi kavu.Hiyo italifanya ziwa Victoria kukabiliwa na dhoruba kubwa na za mara kwa mara.

Read More

Wakili feki Mbaroni Mkoani Mara

Wakili feki mbaroni Mkoani Mara

Jeshi la Polisi Mkoani Mara linamshikilia mtu mmoja anayefahamika kwa jina la JOEL ROBERRT MWOKOLO , Mweny umri wa miaka 36 Mjaluo na Mkazi wa Kijiji cha Kiterere Wilayani Tarime Mkoani Mara , Mtuhumiwa huyo anatuhumiwa kwa makosa mbalimbali ya utapeli  pamoja na Kujifanya Wakili wa kujitegemea , Akiongea na waandishi wa habari Kamanda wa Polisi Mkoani Mara RAMADHANI H. NGA`ANZI  amesena kuwa mtuhumiwa huyo amekuwa akijishuhulisha na shuhuli hiyo ya utapeli  sehemu mbali mbali Mkoani hapa  mtuhumiwa huyo bado anahojiwa na polisi na mara baada ya mahojiano hayo kukamilika  atafikishwa mahakamani.

Read More